Helpwch ni i ddatblygu adnabod lleferydd Cymraeg.
Cyfrannwch eich llais drwy ein ap a gwefan ‘Paldaruo’

iTunes    Google Play    Gwefan Paldaruo

Beth yw adnabod lleferydd a pham Paldaruo?

Mewn sawl sefyllfa erbyn hyn mae technolegau adnabod lleferydd yn caniatáu i ni siarad gyda’n cyfrifiaduron a’n dyfeisiau symudol fel iPhone neu iPad. Mae modd eu holi ar lafar (e.e. Siri ar yr iPhone, neu Alexa gan Amazon) am wybodaeth neu i’w gorchymyn i gyflawni tasg ar ein rhan, heb fod angen pwyso botymau a llywio dewislenni di-ri.

Bydd y dull yma o ddefnyddio ein hoffer cyfrifiadurol yn dod yn fwyfwy cyffredin a naturiol wrth i adnabod lleferydd a thechnolegau iaith eraill ymledu i amrywiaeth o offer eraill o fewn y tŷ, y swyddfa a’n ddysfeisiadau personol.

Y broblem fawr yw nad oes modd hyd yn hyn i ni siarad gyda’n cyfrifiaduron yn Gymraeg. Os ydyn ni eisiau i dechnolegau a gwasanaethau digidol newydd ein cynorthwyo drwy’r Gymraeg, mae’n bwysig datblygu technoleg adnabod lleferydd Cymraeg

Sut mae creu adnabod lleferydd?

Mae angen casglu nifer mawr o recordiadau o bob math o leisiau gwahanol yn siarad testun arbennig, wedi’i gynllunio i ddal pob cyfuniad o seiniau Cymraeg, er mwyn hyfforddi system adnabod lleferydd gyffredinol.

Felly recordiwch eich llais ar ein cyfer a rhannwch y wefan hon gyda’ch holl deulu a’ch ffrindiau sy’n medru siarad Cymraeg.

I gasglu’r corpws lleferydd Cymraeg, defnyddir dulliau torfoli (crowdsourcing) i recriwtio pobl o bob oed a chefndir daearyddol i ddarllen yn uchel sgript Gymraeg sydd wedi cael ei pharatoi.

Ap Paldaruo

Datblygwyd ap pwrpasol (Paldaruo) ar gyfer ffonau symudol a thabledi iOS ac Android i gasglu’r data. Dyma fideo o sut i’w ddefnyddio:

Dyma sgrin luniau o’r ap ar ddyfeisiadau iOS:

Bydd yr ap Paldaruo yn casglu metadata am y defnyddwyr ynglŷn â’u rhyw, oedran, cefndir daearyddol ac acen.

I weld y cwestiynau metadata sydd o fewn yr ap cliciwch yma.

Mae’r ap yn tywys y defnyddiwr drwy’r broses o recordio’u llais, gan gynnig y sgript recordio iddynt. Mae’r ffeiliau sain yn cael eu gyrru yn ôl i weinydd y prosiect yn awtomatig.

I weld y rhestr o anogeiriau sydd yn yr ap Paldaruo ar hyn o bryd, cliciwch yma.

Mae’r  ap Paldaruo wedi cael cymeradwyaeth foesegol gan Brifysgol Bangor ym mis Mawrth 2014. I fewn i’r ap Paldaruo fydd rhaid i ddefnyddwyr cytuno â telerau ac amodau.

I weld y telerau ac amodau, cliciwch yma.

Lleisiau Masnachol Cymraeg

Prosesydd geiriau Cymraeg syml ar gyfer defnyddwyr sydd â dyslecsia yw EdGair. Fe’i datblygwyd ar gyfer Dyslecsia Cymru (sy’n gyfrifol am ei ddosbarthu). Mae’n cynnwys llais Cymraeg yr Uned Technolegau Iaith er mwyn ynganu geiriau fel y cânt eu teipio.